پاک افغان ڈی جی ایم اوزمیں ہاٹ لائن قیام کافیصلہ

کسی ناخوشگوار واقع کی صورت میں ڈی جی ایم اوز کی سطح پر رابطے کیے جائیں گے. فوٹو: فائل

---

KARACHI: پاکستان اور افغانستان کے ڈائریکٹرز ملٹری آپریشنز کے درمیان ہاٹ لائن کے قیام کا فیصلہ کر لیا گیا ہے اور بارڈر میکنزم کوآرڈینیشن کے تحت نئے قواعد و ضوابط کو حتمی شکل دیدی گئی ہے ۔

نئے ایس او پیز پاکستان افغانستان اور ایساف نے تیار کیے ہیں تاکہ مسقبل میں سلالہ جیسے ممکنہ واقعات کی روک تھام کی جا سکے ، نئے میکنزم کے تحت ڈائریکٹر ملٹری آپریشنز آپس میں رابطہ کر سکیں گے اور دونوں اطراف کے ملٹری کمانڈر نقل و حرکت سے قبل متعلقہ کمانڈروں کو آگاہ کرینگے۔



کسی ناخوشگوار واقعہ کی صورت میں ڈی جی ایم اوز کی سطح پر رابطے کیے جائیں گے ، دونوں ممالک نے اپنے سرحدی علاقوں میں گشت کو مزید موثر بنانے پر بھی اتفاق کیا ہے۔