پاکستان چھوڑنے کا سوچ بھی نہیں سکتی میرا

دبئی نہیں جارہی، اپنی فلم پر کام شروع کر رہی ہوں، پیپر ورک کے بعد اعلان کروں گی۔ فوٹو : فائل

---

فلم اسٹار میرا نے کہا ہے کہ میرے دبئی منتقل ہونے کی افواہیں بے بنیاد ہیں، پاکستان میرا گھر ہے اور میں اپنے گھر کو چھوڑنے کا سوچ بھی نہیں سکتی۔

اداکارہ میرا نے کہا کہ دبئی میرا آنا جانا لگا رہتا ہے مگر اس کا یہ مطلب ہرگز نہیں کہ میں مستقل طور پر دبئی شفٹ ہو رہی ہوں، میں نے پاکستان میں نئے پروجیکٹ شروع کرنے ہیں اور وہ پاکستان میں رہ کر ہو سکتے ہیں۔

میرا کا کہنا تھا کہ مجھ سے حسد کرنے والی اداکارائیں بلا وجہ میرے خلاف کوئی نہ کوئی پراپیگنڈا کرتی رہتی ہیں مگر مجھے ان باتوں کی کوئی پرواہ نہیں۔ انھوں نے بتایا کہ عنقریب میں اپنے ایک فلمی پروجیکٹ پر کام شروع کرنے والی ہوں جس کا پیپر ورک مکمل ہونے کے بعد باقاعدہ اعلان کروں گی۔