ٹی وی کے فنکاروں نے بڑی اسکرین کا رخ کرلیا

اس سال ٹیلی ویژن کے متعدد فنکاروں نے فلموں میں کام کرنے کا فیصلہ کیا ہے جس میں آمنہ شیخ، ہمایوں سعید اور دیگر شامل ہیں۔ فوٹو: کیریٹیو کامنز

---

ٹیلی ویژن پر یاد گار اور بہترین ادکاری کا مظاہرہ کرنیوالے فنکاروں کا اب فلموں میںکام کرنے کا شوق بڑھ گیا۔

ان کی دلچسپی بڑی اسکرین کی طرف نظر آرہی ہے اس سال ٹیلی ویژن کے متعدد فنکاروں نے فلموں میں کام کرنے کا فیصلہ کیا ہے، ان میں آمنہ شیخ، ہمایوں سعید، شمعون عباسی، عائشہ خان،مونا لیزا،عمیمہ ملک اور دیگر فنکار شامل ہیں۔ ٹیلی ویژن کے ان فنکاروں کا کہنا ہے کہ دنیا بھر میںآج بھی سنیما اسکرین کی سب سے زیادہ اہمیت ہے فلم کے فنکاروں کو دنیا بھر میں دیکھا اور پسند کیا جاتا ہے جو شہرت فنکار کو فلموں کے ذریعہ ملتی ہے اس کا کوئی مقابلہ نہیں ان کا کہنا ہے کہ ٹیلی ویژن سے جو کچھ بھی سیکھنے کا موقع ملا ہے اس سے ضرور فائدہ اٹھانا چاہیے۔