بھارت نے شرارت کی تو اینٹ سے اینٹ بجا دیں گے ڈاکٹر قدیر

28 مئی کو ایٹمی دھماکوں نے پاکستان کا دفاع ناقابل تسخیر بنا دیا، ایکسپریس سے گفتگو۔ فوٹو : اے ایف پی/فائل

---

محسن پاکستان ڈاکٹر عبدالقدیر خان نے کہا ہے کہ ہندوستان نے پاکستان کی طرف میلی آنکھ سے دیکھا یا کوئی شرارت کرنے کی کوشش کی تو پاکستان اس کی اینٹ سے اینٹ بجا دے گا۔

ایکسپریس سے گفتگو میں ڈاکٹر عبدالقدیر خان نے کہا میری ٹیم کیلیے اعزاز ہے کہ ہم نے پاکستان کو 7 ویں ایٹمی قوت بنایا، اس کا اجر اللہ تعالیٰ کی ذات دے گی کسی حکمراں کے بس کی بات نہیں، ہم نے اس ملک کا دفاع ناقابل تسخیر بنایا، اس وقت حکومت کو وفاقی سطح پر ٹیکنالوجی یونیورسٹی بنانے کا کہا تھا لیکن حکمرانوں کی ترجیحات میٹرو اور موٹروے ہیں جس کی وجہ سے ملک میں بے روزگاری دن بدن بڑھ رہی ہے، ملک کو جہالت کے اندھیروں سے نکالنے کیلیے تعلیم کے میدان کو آباد کرنا ہو گا۔