55 سیاسی جماعتوں کے لیے انتخابی نشان کم پڑگئے

نئے انتخابی نشانات کی منظوری کے لیے سمری صدرکوارسال کی جائے گی. فوٹو: فائل

---

الیکشن کمیشن کے پاس رجسٹرڈ جماعتوں کیلیے انتخابی نشانات کم پڑ گئے جس کے باعث55جماعتوں کے انتخابی نشانات کی منظوری کیلیے صدرمملکت کووزارت قانون کے ذریعے سمری ارسال کی جائیگی۔

الیکشن کمیشن کے پاس رجسٹرڈ جماعتوں کی تعداد 227 جبکہ منظور شدہ انتخابی نشانات کی تعداد 172 ہے جبکہ یہ نشانات آزادامیدواروںکوبھی نشانات الاٹ کیے جاتے ہیں۔ اس وقت تک 70جماعتوں کو نشانات الاٹ کیے گئے ہیں۔الیکشن کمیشن نے سینیٹ کی خصوصی کمیٹی کوانتخابی اصلاحات بل میں سیاسی جماعتوں کی غیر سنجیدہ رجسٹریشن روکنے کیلیے قانونی سازی کی سفارش کی ہے۔



اس وقت قانون کے مطابق 10 افراد جماعت کی رجسٹریشن کیلے الیکشن کمیشن سے رجوع کریں تو قانونی طور پر نئی جماعت کی رجسٹریشن سے نہیں روکاجاسکتا۔ الیکشن کمیشن نے تجویز کی ہے کہ غیر معروف جماعتوں کو انتخابات میں حصہ لینے پرمجبورکیاجائے اورجو جماعت خاص ووٹ حاصل نہ کر سکے اس کو وجودکوختم قراردینے کیلیے الیکشن کمیشن کا اختیار دیا جائے۔