میرپور خاص تنخواہ میں کٹوتی پر میونسپل دفاتر کو تالے لگا دیے

میونسپل ورکرز یونین کے عہدیداران نے خطاب کرتے ہوئے کہا کہ انہیں تنخواہوں میں 20 فیصد کٹوتی کے بعد ادائیگی کی جارہی ہے۔ فوٹو: فائل

---

ISLAMABAD: میونسپل ایڈمنسٹریشن میرپورخاص کے ملازمین نے تنخواہوں کی عدم ادائیگی اور 20 فیصد کٹوتی پر احتجاجاً دفاتر کو تالے لگا دیے۔

تفصیلات کے مطابق حکومت سندھ کی جانب سے ضلع آکٹرائے ٹیکس میں کٹوتی کے باعث ٹی ایم اے کے ملازمین کی تنخواہوں میں 20 فیصد کٹوتی اور تنخواہوں اور پینشن کی ادائیگی میں تاخیر کے خلاف ملازمین نے احتجاجاً دفاتر کو تالے لگا دیے اورجناح ہال میں احتجاجی اجتماع منعقد کیا جس سے میونسپل ورکرز یونین کے عہدیداران نے خطاب کرتے ہوئے کہا کہ انہیں تنخواہوں میں 20 فیصد کٹوتی کے بعد ادائیگی کی جارہی ہے۔

جبکہ سالانہ انکریمنٹ کی عدم ادائیگی اور پینشن اور تنخواہوں کی ادائیگی میں تاخیر کے باعث ملازمین فاقے کشی پر مجبور ہیں۔انھوں نے کہا کہ اعلیٰ حکام ان مسائل کے حل کے لیے اقدامات کریں بصورت دیگر سخت احتجاج کیا جائے گا۔