بھارت میں زیر تعمیر عمارت میں آگ لگنے سے 6 افراد ہلاک

واقعہ ممبئی میں پیش آیا،11 افراد زخمی، مرنیوالوں میںایک 4سالہ بچی بھی شامل۔ فوٹو: فائل

---

بھارتی ریاست مہارا شٹرا کے دارالحکومت ممبئی میں زیرتعمیرعمارت میں آگ لگنے سے 6 افراد ہلاک ہوگئے۔

گزشتہ روز بھارتی میڈیا نے پولیس کے حوالے سے بتایاکہ آگ گیس سلنڈرپھٹنے کے باعث لگی اور یہ واقعہ جولو نامی علاقے کی زیرتعمیر عمارت میں پیش آیا، جھلسنے والے 11 افراد کو قریبی اسپتال میں داخل کروادیا گیا ہے جن میں سے 8 افراد کی حالت نازک بتائی جا رہی ہے۔

پولیس نے بتایا کہ آگ 13منزلہ عمارت کے گراؤنڈ فلور پرلگی جس کی اصل وجوہ کا تعین کرنے کے لیے تحقیقات جاری ہیں، آگ سے ہلاک ہونے والوں میں 5 مزدورشامل ہیں۔