استعماریت اور پاکستان چھٹا حصہ

جس کے ارتقائی اظہار میں ان نظریات کی بنیادیں پہلے سے کہیں زیادہ سختی کی حامل دکھائی دی جانے لگی ہیں ۔ جس نے عالم اقوام پر فرعونیت سے بھی کہیں زیادہ بھیانک نتائج فراہم کرنے والی استعماریت کوپھلنے پھولنے کے تمام تر لوازمات فراہم کیے ہوئے ہیں۔ کتنی فکر انگیز بات ہے کہ اقوام عالم کو اپنے حالات بہتر کرنے کے لیے استعماریت کے سامنے دن بدن اور زیادہ مطیع وفرمانبردار بننے کے سوا کوئی راستہ دکھائی نہیں دیا جارہاہے۔کیونکہ استعماری دانش نے اقوام کو تاریخی تحریف سے نوازا ہوا ہے جس کے باعث آج وہ اپنے آباؤاجداد کے خلاف ہرزہ سرائی کرتے رہنے اور نت نئے اختلافات تخلیق کرکے مزید انتشار و تقسیم میں ہی اپنی بقاء دیکھنے لگی ہیں ۔ چونکہ اقوام عالم نسبی، نظریاتی وعلاقائی طور اپنے قدیم تسلسل سے ناواقف ہے اور موجودہ استعماریت کی سرخیل قوم کو تاریخ کا سب سے طویل ترین اور غیر منقطع تسلسل حاصل ہے۔