پیپلز پارٹی کے 26 میں سے 18 سینیٹر آئندہ سال رٹائرڈ ہو جائیں گے

مسلم لیگ (ق) کی ایوان میں موجودگی ختم، پی ٹی آئی کا ایک سینیٹر رٹائر ہوگا۔ فوٹو فائل

---

آئندہ سال پیپلز پارٹی کے 26 میں سے 18 سینیٹر رٹائرڈ ہو جائیں گے۔

سینیٹ سیکریٹریٹ کے مطابق ایوان میں پیپلز پارٹی کے 26 میں سے 18سینیٹرزآئندہ سال ریٹائرڈ ہو جائیں گے جب کہ پشتونخوا ملی عوامی پارٹی، نیشنل پارٹی، جماعت اسلامی کا کوئی سینیٹر 2018 میں سبکدوش نہیں ہوگا۔

مسلم لیگ (ن) کے نثار محمد خان، ظفر اللہ خان ڈھانڈلہ، حمزہ اور کامران مائیکل بھی آئندہ سال رٹائرڈ ہو جائیں گے، پیپلز پارٹی کے رٹائرڈ ہونیوالے سینیٹرز میں چیئرمین میاں رضا ربانی، قائد حزب اختلاف اعتزاز احسن،کریم احمد خواجہ، عثمان سیف اللہ خان، نوابزادہ سیف اللہ مگسی، سردار فتح حسنی،فرحت اللہ بابر، روزی خان کاکڑ، تاج حیدر، سحر کامران اورہری رام بھی شامل ہیں۔

مسلم لیگ (ن) کے قائم مقام صدر سردار یعقوب خان ناصر اور سینیٹ میں قائد ایوان راجا ظفر الحق سمیت ایوان بالا میں موجود 18 سینیٹرز 2021 میں سبکدوش ہوں گے جبکہ اسحاق ڈار، ذوالفقار کھوسہ، آصف کرمانی، سعود مجید، نزہت صادق سمیت (ن) لیگ کے 8 سینیٹرز آئندہ سال مارچ میں سبکدوش ہوں گے۔