اورکزئی میں آپریشن12شدت پسند ہلاک 5 اہلکار زخمی

بنوں میں دھماکا،4اہلکارزخمی،خاتون ایم پی اے کے گھرپربم حملہ،دیوارکونقصان۔ فوٹو: اے ایف پی/ فائل

---

اپراورکرزئی کے علاقے ماموزئی میں سکیورٹی فورسزکی کارروائی میں12شدت پسندہلاک اور ایک افسر سمیت 5اہلکارزخمی ہوگئے۔

سکیورٹی ذرائع کے مطابق فورسز نے اپر اورکزئی کے علاقہ تارغو کا کنٹرول سنبھال لیا ہے، ایک ہفتے میں اس علاقہ میں 50 سے زائد دہشت گردوں کو مارا گیا ہے۔ ایف آر بنوں کے علاقہ جانی خیل میں سکیورٹی فورسز کی گاڑی پر ریموٹ کنٹرول بم حملے میں 4 اہلکار زخمی ہوگئے۔ پشاور کے نواحی علاقے متنی میں سڑک کے کنارے 13کلو بارودی مواد ناکارہ بنادیا گیا۔



ثناء نیوز کے مطابق قانون نافذ کرنیوالے اداروں نے نوشہرہ چارسدہ روڈ پر شیگی کے علاقہ میں چھاپہ مارکر طالبان کے اہم رہنما قاری باسط کو گرفتار کرلیا۔

سرائے نورنگ میں ایم پی اے یاسمین ضیا کے گھر کے باہر دھماکہ سے دیوار کو جزوی نقصان پہنچا۔ لنڈیکوتل کے علاقہ پیروخیل انگور باغ میں مسلح افراد نے پولیو ٹیم پر حملہ کرکے ویکیسن چھین لی۔ جمرود میں محسود سکاؤٹس نے چھاپہ مار کر 11 طلباء سمیت 21 افراد کو گرفتار کرلیا تاہم بعد ایک مشکوک شخص کے علاوہ باقی کو رہا کردیا۔