فلم’’اسٹوڈنٹ آف دی ایئرٹو‘‘ میں ٹائیگرشروف کی ہیروئن کون

MOSCOW:
معروف ہدایت کار کرن جوہر کی فلم 'اسٹوڈنٹ آف دی ائر' کے سیکوئل کی شوٹنگ اگلے سال شروع کی جائے گی جس میں نوجوان بھارتی اداکار ٹائیگر شروف اہم کردار میں دکھائی دیں گے جب کہ ان کے مدمقابل نئے چہرے کو متعارف کرایا جائے گا۔

معروف فلمساز و ہدایت کار کرن جوہر بالی ووڈ انڈسٹری میں نوجوان اداکاروں کو متعارف کروانے سے بالکل نہیں گھبراتے اور ہر گرزتے سال کے ساتھ بالی ووڈ میں نئے چہرے متعارف کراتے ہیں جب کہ 2012 میں انہوں نے اپنی فلم ' اسٹوڈنٹ آف دی ایئر' کے ذریعے انڈسٹری کو ، ورن دھون، عالیہ بھٹ، سدارتھ ملہوترا کی صورت میں تین سپر اسٹار دیے اور اب انہوں نے فلم کے دوسرے سیکوئل میں ٹائیگر شروف کے ساتھ ایک بار پھر نئے چہروں کو متعارف کرانے کا فیصلہ کیا ہے۔


بھارتی میڈیا رپورٹس کے مطابق معروف ہدایت کار کرن جوہر نے فلم 'اسٹوڈنٹ آف دی ایئر' کے سیکوئل میں ایک طرف تو مرکزی کردار کے لیے نیا چہرہ متعارف کرانے کے بجائے نوجوان اداکار ٹائیگر شروف کو لیڈ رول دیا لیکن ان کے مدمقابل کسی معروف ادکارہ کو کاسٹ کرنے کے بجائے نئے چہروں کو متعارف کیا جائے گا۔

رپورٹس کے مطابق فلم میں ٹائیگر شروف کی گرل فرینڈ دشا پٹانی، چنکی پانڈے کی بیٹی اننیا پانڈے، سیف علی خان کی بیٹی سارہ خان اور سری دیوی کی بیٹی جھانوی کپور کے ناموں پر غور کیا جارہا ہے تاہم اس حوالے سے کوئی حتمی فیصلہ نہیں کیا گیا کہ فلم میں کس کو شامل کیا جائے گا۔