سلمان خان کے مداحوں کے لئے اچھی خبر

’’دس کا دم‘‘ کے لئے میزبان کا باضابطہ اعلان کچھ ماہ میں کردیا جائے گا، ترجمان سونی ٹی وی . فوٹو : فائل

---

KARACHI: بالی ووڈ کے سلطان سلمان خان اپنے پرانے ٹی وی شو 'دس کا دم' کے ساتھ ایک بار پھر واپسی کررہے ہیں۔

بھارتی میڈیا رپورٹس کے مطابق سونی انٹرٹینمنٹ ٹیلی ویژن نے دبنگ خان کے مداحوں کو مقبول گیم شو ''دس کا دم'' کے تیسرے سیزن کی خوشخبری سنادی۔ سونی ٹی وی کے ترجمان نے بتایا کہ ''کون بنے کا کروڑ پتی'' کے حالیہ سیزن میں 3 کروڑ افراد گھر بیٹھے موبائل کے ذریعے ہمارے پروگرام کا حصہ بنے جب کہ ہمیں یقین ہے کہ ''دس کا دم'' سیزن تھری اس سے بھی بڑا ریکارڈ بنائے گا اوریہ تاریخ کا سب سے بڑا گیم شو ثابت ہوگا۔



ترجمان کا کہنا تھا کہ''دس کا دم'' کی میزبانی بالی ووڈ کے دبنگ خان ہی کریں گے لیکن اس حوالے سے باضابطہ اعلان کچھ ماہ بعد کیا جائے گا کیوں کہ سلمان خان اس وقت فلم 'ٹائیگر زندہ ہے' کی تشہیر کے ساتھ ساتھ ''ریس تھری'' اور ''بگ باس 11'' کی بھی میزبانی کی شوٹنگ میں مصروف ہیں۔