اشیش نہرا نے کمنٹیٹر کی نئی ذمہ داری سنبھال لی

جب میں کیمرے کے سامنے آیا تو یہ سب مجھ پر ہنس رہے تھے، سابق پیسر

Sports Desk November 18, 2017

جب میں کیمرے کے سامنے آیا تو یہ سب مجھ پر ہنس رہے تھے، سابق پیسر۔ فوٹو : فائل

بھارتی پیسر اشیش نہرا نے کولکتہ میں کمنٹری کا نیا کردار سنبھال لیا۔

حال ہی میں انٹرنیشنل کرکٹ سے ریٹائر ہونے والے بھارتی پیسر اشیش نہرا نے کولکتہ میں کمنٹری کا نیا کردار سنبھال لیا جب کہ میچ کے دوران سوٹ بوٹ میں نظر آنے والے نہرا کا سابق ساتھی پلیئرز مذاق اڑاتے نظر آئے، دوسرے دن کا کھیل شروع ہونے سے قبل نہرا میدان میں گئے جہاں ان کی بھارتی بولرز شامی، امیش یادیو، بھونیشور کمار، کلدیپ یادیو ، رویندرا جڈیجا اور بولنگ کوچ بھارت ارون سے بھی گپ شپ ہوئی۔

کمنٹری کے دوران جب اشیش نہرا سے اس بابت پوچھا گیا تو انھوں نے کہا کہ اس کا کرکٹ سے کوئی تعلق نہیں تھا، جب میں کیمرے کے سامنے آیا تو یہ سب مجھ پر ہنس رہے تھے کیونکہ انھوں نے مجھے سوٹ میں دیکھا، میں انھیں ہیلو کہنا چاہتا تھا لیکن ارون بھی میرے نئے کردار پر مذاق اڑا کررہے تھے۔