تربت سے مزید 5 افراد کی لاشیں برآمد

تمام پانچوں لاشوں کی شناخت ہوگئی ہے اور مقتولین کا تعلق گجرات سے ہے۔۔ فوٹو: فائل

---

تاجبان کے علاقے سے 5 افراد کی لاشیں ملی ہیں۔

ایکسپریس نیوز کے مطابق بلوچستان میں تربت کے علاقے تاجبان سے 5 افراد کی لاشیں ملی ہیں جنہیں گولیاں مار کر قتل کیا گیا ہے۔ لیویز کے مطابق لاشوں کو اسپتال منتقل کردیا گیا ہے جہاں تمام لاشوں کی شناخت ہوگئی ہے۔

یہ بھی پڑھیں: تربت سے 15 افراد کی گولیوں سے چھلنی لاشیں برآمد

مقتولین کے نام عثمان قادر ،دانش علی، بدرمنیر، ثاقب علی اور شہباز ہیں جن کا تعلق پنجاب کے شہر گجرات سے بتایا جاتا ہے۔ عثمان قادر کا تعلق پور کلاں ، دانش علی کا رسول پور اور بدر منیر کا تعلق کسوکی سے ہے ۔ واضح رہے کہ بدھ کو بھی تربت سے 15 افراد کی لاشیں ملی تھیں جنہیں فائرنگ کرکے ہلاک کیا گیا تھا اور مقتولین کا تعلق پنجاب کے مختلف علاقوں سے تھا۔ کل تربت کے ایک گاؤں میں ایف سی بلوچستان کے آپریشن کے دوران واقعے میں ملوث کالعدم تنظیم بی ایل ایف کا کمانڈر یونس توکلی ہلاک ہوگیا تھا۔