شاہ رخ جتوئی کے دبئی فرارہونے کی فوٹیج ایکسپریس نیوزنے حاصل کرلی

ملزم شاہ رخ جتوئی کےساتھ اس کا بھائی نواب جتوئی اور دوست خرم بھی دبئی فرارہوئے، فوٹو: ایکسپریس:نیوز

---

شاہ رخ جتوئی کے دبئی فرارہونے کی سی سی ٹی وی فوٹیج ایکسپریس نیوز نے حاصل کرلی ہے۔

شاہ زیب قتل کیس کے مرکزی ملزم شاہ رخ جتوئی کے دبئی فرارکی سی سی ٹی وی فوٹیج 66 دنوں بعد منظرعام پرآگئی، ملزم شاہ رخ جتوئی 27 دسمبر کی صبح کراچی کے جناح انٹرنیشنل ایئر پورٹ سے دبئی فرار ہوا تھا، ملزم شاہ رخ جتوئی کےساتھ اس کا بھائی نواب جتوئی اور دوست خرم بھی دبئی فرارہوئے۔ ویڈیو میں ملزم شاہ رخ جتوئی سرخ رنگ کی ٹوپی پہنے ایئرپورٹ میں داخل ہوا تاکہ اس کا چہرہ چھپا رہے اور اسے کوئی پہچان نہ سکے۔

ایکسپریس نیوزکے مطابق کراچی ایئرپورٹ کے پروٹوکول آفیسر محمود سلطان اور وسیع اختر نے شاہ رخ جتوئی کوایئرپورٹ پر جہاں جہاں مشکلات پیش آئیں وہاں پر ان دونوں حضرات نے وہ تمام رکاوٹیں پارکرنے میں اس کی مدد کی اورپھردبئی جانے والے جہاز میں بٹھادیا، ایف آئی اے اس حوالے سے ان دونوں حضرات کے خلاف تحقیقات کررہی ہے۔