سابق وزیراعظم یوسف رضا گیلانی نے کہا ہے کہ اگر دوسرا وزیراعظم بھی برطرف کیا گیا تو ملک ٹوٹ سکتا ہے۔ نجی ٹی وی کوانٹرویو میں ان کا کہنا تھا کہ دنیا کے کسی قانون میں یہ نہیں لکھا کہ خط نہ لکھنے پر منتخب وزیراعظم کو برطرف کردیا جائے ،آصف زرداری کے علاوہ کوئی اورصدر ہوتاتب بھی میں سوئس حکام کو خط نہ لکھتا کیونکہ یہ غیر آئینی اقدام ہے۔

انھوں نے کہا کہ مجھے برطرف کرنے کیلئے خط کانہ لکھنابہانا تھا ،سپریم کورٹ کے اس اقدام کوپوری دنیا غیر آئینی اقدام تسلیم کرتی ہے،پیپلزپارٹی نے ایک وزیراعظم قربان کیا ہے،دوسرے کو بھی برطرف کیا گیا تو ملک ٹوٹ سکتا ہے ۔