اداکار شان کی فلم ’’ارتھ‘‘ کا پہلا گانا ریلیز

پاکستانی سپر اسٹار شان شاہد اور اداکارہ حمائمہ ملک کی فلم ''ارتھ'' کا پہلا گانا ''سنواردے خدایا'' ریلیز کردیاگیا۔

نامور پاکستانی اداکار شان شاہد فلم''ارتھ''کے ذریعے طویل عرصے بعد بڑے پردے پر واپسی کررہے ہیں یہی وجہ ہے کہ شائقین سمیت شوبز سے وابستہ تمام افراد کو فلم کا بے چینی سے انتظار ہے۔ گزشتہ ماہ ریلیز ہونے والے فلم کے ٹریلرکو بھی شائقین کی جانب سے بےحد پسند کیا گیا تھا تاہم اب شان نے اپنی فلم کا پہلا گانا ''سنواردے خدایا''ریلیز کیا ہے جس نے آتے ہی دھوم مچادی ہے۔

اس خبرکوبھی پڑھیں: فلم ''ارتھ '' میں شان کی جانداراداکاری نے دل جیت لیے



''سنوار دے خدایا'' کو پاکستان کے نامور گلوکار راحت فتح علی خان نے گایا ہے جب کہ اس کی موسیقی ساحر علی بگا نے ترتیب دی ہے۔ لہٰذا ایسا ہو ہی نہیں سکتا کہ گانا شائقین کو پسند نہ آئے یہی وجہ ہے کہ سوشل میڈیا پر گانے نے دھوم مچادی ہے اور شائقین کی جانب سے گانے کو بے حد سراہا جارہا ہے۔




فلم 'ارتھ'دراصل بھارتی ہدایت کارمہیش بھٹ کی 1982 میں ریلیز ہوئی فلم'ارتھ'کا پاکستانی ورژن ہے ۔ اداکار شان نے مہیش بھٹ سے اس فلم کو دوبارہ بنانے کی خواہش ظاہر کی تھی اور مہیش بھٹ نے خوشی خوشی اجازت دیتے ہوئے کہا تھا کہ انہیں خوشی ہوگی اگر شان میری فلم دوبارہ بنائیں۔

اس خبرکوبھی پڑھیں: میری تمام تر توجہ فلم ''ارتھ '' پر مرکوز ہے



واضح رہے کہ فلم کا پس منظر موجودہ دور کے مطابق ترتیب دیا گیا ہے۔ فلم میں اداکار شان کے علاوہ حمائمہ ملک، محب مرزا اور عظمیٰ حسن مرکزی کردارادا کررہے ہیں، فلم رواں ماہ 21 دسمبر کو ریلیز کی جائے گی۔

https://www.youtube.com/watch?v=B5W1gNwigVI