رینجرز کی ٹارگٹڈ کارروائیاں100سے زائد افراد زیر حراست

رینجرز نے جمعرات اور جمعہ کی درمیانی شب شہر کے مختلف علاقوں میں چھاپہ مار کارروائیاں کیں۔ فوٹو : فائل

---

شہر کے مختلف علاقوں میں رینجرز نے ٹارگٹڈ کارروائیاں کرتے ہوئے 100 سے زائد افراد کو حراست میں لیکر بڑی تعداد میں اسلحہ برآمد کرلیا ۔

حراست میں لیے گئے افراد کو تفتیش کی غرض سے نامعلوم مقام پر منتقل کردیا گیا ، کارروائی کے دوران متعدد علاقوں کا محاصرہ کیا گیا جبکہ مختلف علاقوں میں گھر گھر تلاشی کے بجائے صرف ٹارگٹڈ کارروائیاں کی گئیں ، رینجرز نے جمعرات اور جمعہ کی درمیانی شب شہر کے مختلف علاقوں میں چھاپہ مار کارروائیاں کیں ۔

پولیس ذرائع کا کہنا ہے کہ جوبلی ، پرانا حاجی کیمپ ، لیاری کے مختلف علاقے ، کھارادر ، میٹھادر ، ڈاکس ، شیرشاہ ، ماڑی پور ، رضویہ ، گلبہار ، پاک کالونی ، لیاقت آباد ، سپر مارکیٹ ، گجر نالہ ، ناظم آباد ، سرجانی ٹائون ، سہراب گوٹھ ، بلدیہ ٹائون ، اتحاد ٹائون ، سائٹ ایریا ، میٹروول ، سپر ہائی وے سے متصل مختلف گوٹھوں اور دیگر علاقوں میں رینجرز نے کارروائیاں کیں ، حراست میں لیے گئے افراد سے بڑی تعداد میں اسلحہ بھی برآمد کرلیا گیا ہے،کاررو ائی گرفتار ملزمان کی نشاندہی پر کی گئی۔