بلائنڈ ٹی ٹوئنٹی انگلینڈ ورلڈ کپ 2021 کا میزبان بنے گا

ایک روزہ عالمی کرکٹ کپ کے گرائونڈز اور غیر ملکی کھلاڑیوں کے رہائشی انتظامات کو حتمی شکل دیدی گئی ہے۔ فوٹو: فائل

---

ورلڈ ٹی ٹوئنٹی کپ 2021ء کی میزبانی انگلینڈ کرے گا۔

ورلڈ بلائنڈ کرکٹ کونسل کا اجلاس بنگلادیش کے شہر ڈھاکہ میں صدر مہانتیش جی کے کی صدارت میں ہوا، اجلاس میں 10 ممالک میں سے 9 ممبر ممالک نے شرکت کی جبکہ پاکستان کی طرف سے ورلڈ بلائنڈ کرکٹ کونسل کے ڈائریکٹر ٹیکنیکل یوسف ہارون نے اسکائپ کے ذریعے شرکت کی۔ اجلاس میں فیصلہ کیاگیا کہ ٹوئنٹی20 عالمی بلائنڈ کرکٹ کپ 2021 میں انگلینڈ میں ہو گا۔ اس کے علاوہ بلائنڈ کرکٹ کے قوانین میں تبدیلی کرتے ہوئے بی ون کھلاڑی (ٹوٹل بلائنڈ) پھینکنے والے اوورز 40کی بجائے 30فیصد کوٹہ کردیا گیا ہے۔

اجلاس میں ون ڈے میچ کے پاور پلے کو دو حصوں پر تقسیم کیا گیا، پہلے ایک روزہ میچ میں پاور پلے میں 16 اوور پر مشتمل ہوتا تھا تاہم اس میں تبدیلی کرتے ہوئے پہلا پاور پلے 16 کی بجائے 10 اوورز پر مشتمل ہو گا جبکہ دوسرا پاور پلے 6 اوورز پر بیٹنگ پاور پلے ہو گا، اجلاس میں پاکستان اور متحدہ عرب امارات میں ہونے والے ایک روزہ عالمی کرکٹ کپ کے گرائونڈز اور غیر ملکی کھلاڑیوں کے رہائشی انتظامات کو حتمی شکل دیدی گئی ہے۔