سندھ حکومت کا کراچی میں بلا تفریق ٹارگٹڈ آپریشن کا فیصلہ

سندھ حکومت نے وزیر اعلیٰ اور گورنر کی زیر نگرانی شہر میں قیام امن کیلئے بلاتفریق ٹارگٹڈ آپریشن کا فیصلہ کیا ہے۔


وزیر اعلیٰ سندھ سید قائم علی شاہ کی زیر صدارت امن وامان سے متعلق اجلاس میں پولیس اور رینجرز کے اعلیٰ حکام سمیت کئی وزرا نے بھی شرکت کی۔ اجلاس میں انٹیلی جنس کی بنیاد پر بلا تفریق کراچی میں کارروائی کرنے کا فیصلہ کیا گیا ہے جس کی نگرانی براہ راست وزیر اعلیٰ اور گورنر سندھ کریں گے، کارروائی کے دوران جرائم پیشہ افراد کی نقل و حرکت پر نظر رکھنے کیلئے ہیلی کاپٹر کی مدد بھی لی جائے گی۔

واضح رہے کہ صدر آصف علی زرداری نے گزشتہ روز شہر میں بلاتفریق آپریشن کیلئے قانون نافذ کرنے والے اداروں کو فری ہینڈ دے دیا تھا۔