پشاور خودکش حملے میں ایڈیشنل آئی جی اشرف نوراورمحافظ شہید

موٹر سائیکل سوار خودکش حملہ آور نے ایڈیشنل آئی جی اشرف نور کی گاڑی کے قریب خود کودھماکے سےاڑالیا

ویب ڈیسک November 24, 2017

زوردار دھماکے سے آس پاس کی عمارتیں لرز اٹھیں اور شیشے ٹوٹ گئے۔ فوٹو:فائل

حیات آباد میں زرغونی مسجد کے قریب بم دھماکا ہواہے جس کے نتیجے میں ایڈیشنل آئی جی ہیڈ کوارٹر محمداشرف نورمحافظ حبیب اللہ سمیت شہید ہوگئے۔

ایکسپریس نیوز کے مطابق پشاور کے علاقے حیات آباد میں صبح 9 بجے ایڈیشنل آئی جی ہیڈ کوارٹر اشرف نور اپنے گھر سے دفتر جارہے تھے کہ راستے میں زرغونی مسجد کے سامنے موٹر سائیکل سوار خودکش حملہ آور نے ان کی گاڑی کے قریب خود کودھماکے سےاڑالیا۔

حملے میں ایڈیشنل آئی جی ہیڈ کوارٹر محمد اشرف نور اپنے گن مین حبیب اللہ سمیت شہید اور 6 پولیس اہلکار زخمی ہوگئے۔ سی سی پی او پشاورطاہرخان نے میڈیا سے گفتگو کرتے ہوئے اسے خودکش حملہ قراردیا۔

اس خبرکوبھی پڑھیں: پشاورمیں ایف سی کی گاڑی کے قریب دھماکا، 3 اہلکارشہید

واقعے کی اطلاع ملتے ہی ایمبولینس، ریسکیو اہلکار اور پولیس کی بھاری نفری موقع پر پہنچ گئی۔ دھماکے کی شدت اتنی زیادہ تھی کہ آس پاس کی عمارتیں لرز اٹھیں اورعمارتوں کے شیشے ٹوٹ گئے۔

پولیس کے مطابق دھماکے میں 15 سے 20 کلوبارودی مواد استعمال ہواہے۔ شہید ایڈیشنل آئی جی محمد اشرف نور کی میت اور زخمی ہونےوالے تمام افراد کو حیات آباد میڈیکل کمپلیکس منتقل کردیا گیا ہے۔ جب کہ پولیس نے علاقے کو گھیرے میں لے کرجائے وقوع سے شواہد اکٹھے کرکے تحقیقات شروع کردی ہیں۔