رنویر جب ساتھ ہو تو پھر کسی کی ضرورت نہیں ہوتی دپیکا پڈوکون

دپیکا پڈوکون اور رنویر سنگھ کے درمیان دوستی کافی عرصے سے قائم ہے۔ فوٹوفائل

---

لاہور: بھارتی اداکارہ دپیکا پڈوکون کا کہنا ہے کہ جب رنویر اور میں ایک ساتھ ہوتے ہیں تو ہمیں کسی چیز کی ضرورت نہیں ہوتی۔

بھارتی اداکارہ دپیکا پڈوکون کا شمار ان اداکاراؤں میں ہوتا ہے جنہوں نے انتہائی کم عرصے میں بالی وڈ انڈسٹری میں خاص مقام حاصل کیا، آج دپیکا کی اداکاری کے چرچے صرف بھارتی فلم انڈسٹری میں ہی نہیں بلکہ ہالی وڈ میں بھی ہوتے ہیں۔ ہالی وڈ اسٹار ون ڈیزل کے ساتھ اداکاری کے جوہر دکھانے والی دپیکا کی ون ڈیزل کے ساتھ دوستی کے بھی کافی چرچے رہے ہیں۔ لیکن دپیکا کی رنویر سے دوستی کی بات ہی الگ ہے۔

اس خبر کو بھی پڑھیں : رنویر اور دپیکا کے ایک ساتھ سیر سپاٹے

دپیکا پڈوکون اور رنویر سنگھ کے درمیان جاری دوستی نہ صرف کافی عرصے سے قائم ہے بلکہ دونوں کے درمیان دوستی اتنی گہری ہے کہ دونوں متعدد بار ایک ساتھ سیر سپاٹے کرتے نظر آئے ہیں، کچھ دنوں قبل دونوں کی منگنی کی خبریں بھی سامنے آئیں تھیں۔

اس خبر کو بھی پڑھیں : دپیکا پڈوکون نے رنویر سنگھ سے منگنی کرلی؟

دپیکا کا کہنا ہے کہ جب میں اور رنویر ایک ساتھ ہوتے ہیں تو ہمیں کسی چیز کی ضرورت نہیں ہوتی ہے، میں نے کبھی ایسا کچھ نہیں کرنا چاہا جو وقت کی قید میں ہو، میرا یقین ہے کہ رشتے خود ہی راستہ بناتے ہیں جب کہ جہاں تک میرے اور رنویر کے تعلق کی بات ہے تو یہ ایک دن اپنے طریقے سے خود واضح ہو جائے گا۔