پیمرا کا تمام نیوز چینلز کی نشریات بحال کرنے کا حکم

براہراست نشریات دکھانے کے حوالے سے تمام نیوز چینلز کو گائڈلائن بھی فراہم کردی گئی ہے، پیمرا۔ فوٹو؛ فائل

---

پیمرا نے ملک بھر میں گزشتہ روز سے بند تمام نیوز چینلز کی نشریات بحال کرنے کا حکم دیدیا ہے۔

ایکسپریس نیوز کے مطابق پاکستان الیکٹرانک میڈیا ریگولیٹری اتھارٹی نے ملک بھر میں بند تمام نیوز چینلز کی نشریات کو بحال کرنے کا حکم دیدیا ہے۔ پیمرا کے مطابق تمام نیوز چینلز کی نشریات تھوڑی دیر میں بحال کردی جائیں گی جب کہ براہ راست نشریات دکھانے کے حوالے سے تمام نیوز چینلز کو گائڈلائن بھی فراہم کردی گئی ہے۔

اس خبر کو بھی پڑھیں : پیمرا کا تمام نیوز چینلز کو آف ایئر کرنے کا حکم

واضح رہے کہ گزشتہ روز پاکستان الیکٹرانک میڈیا ریگولیٹری اتھارٹی (پیمرا) نے تمام نیوز چیلنجز کو آف ایئر کرنے کا حکم دیا تھا جب کہ سماجی رابطوں کی سائٹس کو بھی بندکردیا گیا تھا۔