فلم اسٹار ثنانے کہا ہے کہ پاکستان فلم انڈسٹری کے لیے کام کرنا میرے لیے باعث اعزاز ہے۔

انڈسٹری کی بحالی کے لیے اگر میری خدمات کی ضرورت پڑی تو میں ہمیشہ کی طرح حاضرہوں ان خیالات کاا ظہارانھوں نے ایک شوٹنگ کے دوران نمایندہ ایکسپریس سے بات چیت کرتے ہوئے کیا۔

ان کا کہنا تھا کہ اس وقت پاکستان ڈرامہ انڈسٹری نے فلم کی کمی کو اس حد تک محسوس نہیں ہونے دیا کہ جتنا ہوناچاہیے تھا مگر فلم اور ڈرامہ دوالگ شعبے ہیں اس لیے ہمیں ڈرامہ انڈسٹری کی طر ح فلم کی بحالی کے لیے بھی سوچنا ہوگا۔