شارٹ سرکٹ سے 5 گھروں میں آتشزدگی بچی جھلس کر ہلاک

گھروں میں موجود قیمتی سامان جن میں گندم،طلائی زیورات،نقد رقم بھی جل کر راکھ کا ڈھیر ہوگئے. فوٹو: فائل

---

گوٹھ علی نواز زرداری میں لنڈو تھانہ کی حدود میں بھیل قبیلے کے 5گھر بجلی کے شارٹ سرکٹ کے باعث جل کر خاکستر ہوگئے جبکہ5سالہ بچی بصری بنت کیوو بھیل آگ میں جھلس کر جاں بحق ہوگئی جبکہ10بکریاں اورایک بھینس بھی ہلاک ہوگئی۔

گھروں میں موجود قیمتی سامان جن میں گندم،طلائی زیورات،نقد رقم بھی جل کر راکھ کا ڈھیر ہوگئے جبکہ2افراد کیول،کرشن بھی گھروں سے سامان نکالتے ہوئے جھلس کر زخمی ہوگئے۔متاثرین میں کرشن، کیول، نصری، کیوو اور شمی کے گھر شامل ہیں۔



جبکہ کیول بھیل کی معصوم بچی جل کر ہلاک ہوگئی لیکن کوئی منتخب نمائندہ نہ ہی ضلعی و مقامی انتظامیہ کا کوئی اہلکار ان کی مدد کو پہنچا۔انھوں نے کہا کہ ہم پانچوں خاندان کھلے آسمان کے نیچے بے یار ومددگار پڑے ہوئے ہیں،فائیر بریگیڈ یہاں سے20کلومیٹر کے فاصلے پر ہے وہ بھی ہماری مدد کو نہیں پہنچ سکے۔