2 برادریوں میں تصادم نوجوان جاں بحق6 افراد زخمی

فریقین نے ڈنڈوں،گھونسوں کے ساتھ ایک دوسرے پر فائرنگ بھی کی جس کے نتیجے میں 26سالہ عرض محمد مگسی موقع پر جاں بحق جبکہ 6 افراد شدید زخمی ہو گئے. فوٹو: فائل

---

ISLAMABAD: عمرساند تھانے کی حدود میں2 برادریوں کے مابین زمین کے تنازع پر تصادم،ڈنڈوں اور اسلحہ کا استعمال،دوبدو فائرنگ کے نتیجے میں ایک شخص ہلاک، 6زخمی ہو گئے۔

3زخمیوں کو تشویشناک حالت میں حیدرآباد روزانہ کر دیا گیا۔تفصیلات کے مطابق عمرساند تھانے کے گاؤں احمد خان مگسی میں مگسی اور لوند برادری کے درمیان 4 ایکڑ زرعی زمین پر تصادم ہوگیا۔



فریقین نے ڈنڈوں،گھونسوں کے ساتھ ایک دوسرے پر فائرنگ بھی کی جس کے نتیجے میں 26سالہ عرض محمد مگسی موقع پر جاں بحق جبکہ سلیمان مگسی، عبدالرزاق مگسی،ہادی بخش مگسی سمیت6افراد شدید زخمی ہو گئے جن میں سے3زخمیوں کو تشویشناک حالت میں سول اسپتال حیدرآباد روانہ کر دیا گیا جبکہ علاقے میں خوف وہراس پھیل گیا۔

ذرائع کا کہنا ہے کہ مذکورہ گروہوں میں3برس سے4ایکڑ زرعی زمین پر تنازع چل رہا تھا جس کا فیصلہ متوقع تھا لیکن معمولی تلخ کلامی خونی تصادم میں تبدیل ہوگئی۔ فریقین ایک دوسرے کے خلاف مورچہ بند ہیں۔