اسٹیج فنکاروں کی نیوزی لینڈ میں عمدہ پرفارمنس

سڈنی: افتخارٹھاکر، ظفری خان، نیہا، صائمہ خان اورنینا کا پروموٹر ظفر اور ماہا خان کے ہمراہ گروپ فوٹو ۔ فوٹو : فائل

---

اسٹیج ڈراموں کے معروف فنکاروں پرمشتمل طائفے نے نیوزی لینڈ کے شہرآکلینڈ میں بالی وڈکی معروف کوریوگرافرسروج خان کے ہمراہ پرفارم کرتے ہوئے حاضرین کو قہقہے لگانے اورجھومنے پرمجبور کردیا۔

اداکارافتخار ٹھاکر، ناصرچنیوٹی، سردارکمال اورظفری خان کے مزاحیہ فقرے سنتے ہوئے حاضرین لوٹ پوٹ ہوتے رہے جب کہ سکھ کمیونٹی کے لوگ اداکارہ صائمہ خان، نیہا اورنیناں کے رقص پر بھنگڑے ڈالتے رہے۔

دوسرا شو سڈنی میں پیش کیا گیا اس موقع پربھی پاکستانی اورہندوستانی کمیونٹی کی بڑی تعداد نے شرکت کی۔ بالی وڈ کی معروف کوریوگرافر سروج خان نے صائمہ خان اورنیناں کے ساتھ پرفارمنس کو بہت سراہا۔ ڈرامے کے اختتام پرشرکاء نے کھڑے ہوکرلازوال پرفارمنس پرفنکاروں کو داد دی جب کہ دوسرا شوآسٹریلیا کے شہرسڈنی میں ہوا۔



''چک دے پھٹے پارٹ ٹو'' میں بھی معروف فنکاروں نے بہترین پرفارمنس کا مظاہرہ کیا۔ ''ایکسپریس''سے فون پرگفتگوکرتے ہوئے اداکار افتخار ٹھاکر، صائمہ خان، ظفری خان، سردارکمال ، نیہا، نیناں اور ناصرچنیوٹی نے کہا ہے کہ دیارغیر میں پرفارم کرنے کا یہ موقع بہت خوبصورت رہا۔

پاکستانی اور ہندوستانی کمیونٹی کے لوگوں نے ہماری پرفارمنس دیکھی اورڈرامے کے اختتام پر جس طرح کا رسپانس ہمیں ملا وہ لفظوں میں بیان کرنا مشکل ہے۔ کوئی تصویر بنوا رہا تھا توکوئی آٹوگراف لے رہا تھا۔ اسی طرح بالی وڈکی معروف کوریوگرافرسروج خان نے ہمارے ساتھ پرفارم بھی کیا۔ فنکاروں نے مزید کہا کہ میلبورن میں آخری شو میں پرفارم کرنے کے بعد ہم وطن واپس پہنچیں گے اوراپنی فنی مصروفیات میں حصہ لیں گے۔