جنوبی افغانستان میں نیٹوکا ہیلی کاپٹر گر کر تباہ ہو گیا جس کے نتیجے میں 5 فوجی ہلاک ہوگئے۔
افغانستان میں تعینات ایساف کے ترجمان نےکہا ہے کہ ہیلی کاپٹر ضلع دامان میں گر کر تباہ ہوا ہے اور حادثے کی تحقیقات جاری ہیں، ابتدائی رپورٹ کے مطابق یہ طالبان کی کارروائی نہیں لگتی، اتحادی افواج کی جانب سے ہلاک ہونے والی فوجیوں کی شہریت واضح نہیں کی گئی، جنوبی افغانستان میں امریکا کے علاوہ برطانیہ اور آسٹریلیا کے فوجی دستے بھی تعینات ہیں۔
واضح رہے کہ گزشتہ روز صوبہ وردک میں حملہ آور کی فائرنگ سے 2 امریکی فوجی اور 5 افغان اہلکار ہلاک ہو گئے تھے۔