فلم ’فرنگی‘اب تک 4 کروڑ 50 لاکھ کا بزنس کرچکی ہے، فوٹوفائل
کروڑوں دلوں پر راج کرنے والے بالی ووڈ کے مزاحیہ اداکار کپل شرما کی فلم'فرنگی' کا انتظار شائقین کافی عرصے سے کررہے تھے۔ فلم کی کہانی 1920 کی دہائی کی ہے جس میں کپل شرما برطانوی فوج کے ہندوستانی سپاہی کا کردار نبھاتے نظر آرہے ہیں۔ یکم دسمبر کو ریلیز ہونے والی فلم 'فرنگی'کا مقابلہ دپیکا پڈوکون کی 'پدماوتی'سے تھا۔فلمی مبصرین کا کہنا تھا کہ 'پدماوتی' کپل کی فلم 'فرنگی'کو بآسانی مات دے دے گی تاہم پدماوتی کی نمائش موخر ہونے کا فائدہ کپل شرما کی فلم کو ہوا اور فلم باکس آفس پر اچھا بزنس کرنے میں کامیاب رہی۔
اس خبرکوبھی پڑھیں: فلم ''فرنگی'' کا پہلا موشن پوسٹر جاری
#Firangi Fri ₹ 2.10 cr. India biz.
— taran adarsh (@taran_adarsh) December 2, 2017
بھارتی تجزیہ نگار ترن آدرش نے ٹوئٹ کیاہے کہ فلم 'فرنگی' نے ریلیز کے پہلے روز 2 کروڑ 10 لاکھ کا بزنس کیا ہے جب کہ فلم دبئی میں بھی پسند کی جارہی ہے۔ بھارتی میڈیاکے مطابق 25 کروڑ کے بجٹ سے بننے والی فلم اب تک 4 کروڑ 50 لاکھ کا بزنس کرچکی ہے جب کہ مستقبل میں بھی اچھا بزنس کرنے کی توقع کی جارہی ہے۔
#Firangi takes a GOOD START in UAE-GCC... Collects *approx* AED 325,000 [₹ 57.13 lakhs] on 62 screens on Thu.
— taran adarsh (@taran_adarsh) December 1, 2017
دوسری جانب اپنی اداؤں اور خوبصورتی کے باعث لوگوں کو دیوانہ بنانے والی نامور بالی ووڈ اداکارہ سنی لیون اور ارباز خان کی فلم'تیرا انتظار'کپل کی فلم کے آس پاس بھی نہیں پہنچ سکی اور ریلیز کے پہلے روز صرف 45 لاکھ روپے ہی کماسکی جب کہ ویک اینڈ پر سنی کی فلم نے صرف 1 کروڑ کمائے ہیں۔ لہٰذا مجموعی طور پر فلم اب تک ڈیڑھ کروڑ کی رقم کماسکی ہے۔
اس خبرکوبھی پڑھیں: سنی لیون نے مرد کا روپ دھار لیا
واضح رہے کہ ارباز خان اور سنی لیون کو فلم 'تیراانتظار' سے بہت امیدیں وابستہ تھیں دونوں کے کیرئیر کاانحصار اسی فلم پر تھا تاہم فلم باکس آفس پر بری طرح ناکام ہوگئی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔