اتوار کو رات گئے شارع فیصل پر ٹریفک حادثے میں شدید زخمی ہونے والا رکشا ڈرائیور زخموں کی تاب نہ لاتے ہوئے اسپتال میں دوران علاج چل بسا ، حادثے کا ذمے دار ڈمپر کا ڈرائیور فرار ہونے میں کامیاب ہوگیا۔

عینی شاہدین کا کہنا ہے کہ مشتعل افراد نے تشدد کے بعد ڈرائیور پولیس کے حوالے کیا لیکن وہ پولیس کی غفلت کے باعث فرار ہوگیا، واقعے کے وقت ایس ایچ او آرٹلری میدان پولیس پارٹی کے ہمراہ کچھ ہی فاصلے پر موجود تھے لیکن انھوں نے ڈرائیور کو پکڑنے کی کوشش نہیں کی ، پولیس کی غفلت و لاپرواہی کے باعث ملزم فرار ہوگیا۔