شمالی وزیرستان میں دھماکے سے 6 افراد جاں بحق 8 زخمی

فورسز نے علاقے کو گھیرے میں لے کر سرچ آپریشن شروع کردیا ہے، پولیٹیکل انتظامیہ فوٹو : فائل

---

شمالی وزیرستان میں دھماکے سے 6 افراد جاں بحق اور 8 زخمی ہوگئے۔

ایکسپریس نیوز کے مطابق شمالی وزیرستان کے علاقے میر علی میں دھماکے سے 6 افراد جاں بحق جب کہ 8 زخمی ہوگئے ہیں۔ پولیٹیکل انتظامیہ کے مطابق زخمیوں اور لاشوں کو ڈسٹرکٹ ہیڈ کوارٹر اسپتال بنوں منتقل کر دیا گیا، جہاں زخمیوں کو طبی امداد فراہم کی جارہی ہے۔

پولیٹیکل انتظامیہ کا کہنا ہے کہ دھماکا سڑک کنارے کھڑی موٹرسائیکل میں ہوا، واقعے کے بعد فورسز نے علاقے کو گھیرے میں لے کر سرچ آپریشن شروع کردیا ہے۔