چیف الیکشن کمشنر نے کاغذات نامزدگی پر وزیر قانون سے ملاقات سے انکار کردیا

وزیر قانون کے خط کے جواب میں چیف الیکشن کمشنر نے یہ کہتے ہوئے معذرت کرلی ہے کہ وہ 18 مارچ سے قبل مصروفیات کے باعث نہیں مل سکتے۔ فوٹو: فائل

---

چیف الیکشن کمشنر (ر) فخرالدین جی ابراہیم نے کاغذات نامزدگی کے معاملے پر وزیر قانون فاروق ایچ نائیک سے ملاقات سے انکار کردیا ہے۔

فاروق ایچ نائیک نے چیف الیکشن کمشنر کے نام خط میں لکھا تھا کہ وہ بدھ کے روز دیگر ارکان پارلیمنٹ کے ہمراہ ان سے ملنا چاہتے ہیں جس پر چیف الیکشن کمشنر نے ملاقات سے یہ کہتے ہوئے معذرت کرلی ہے کہ وہ 18 مارچ سے قبل مصروفیات کے باعث نہیں مل سکتے۔

بعد ازاں الیکشن کمیشن کے دیگر ارکان نے بھی وزیر قانون سے ملاقات سے معذرت کرلی اور کہا کہ وہ چیف الیکشن کمشنر کے ہمراہ 18 مارچ کو ہی ملاقات کرسکتے ہیں۔