تلہار خاتون سمیت5افراد پر لڑکی کے اغواکا مقدمہ درج
کوئی گرفتاری عمل میں نہیں آئی،اغوا میں میرا کوئی ہاتھ نہیں،ملزمہ
تلہار پولیس نے لڑکی کے بھائی ممتاز ملاح کی درخواست پر وارڈ نمبر 5کی رہائشی نورجہاں خاصخیلی اور4افراد کیخلاف اغوا کا مقدمہ درج کرلیا ہے۔ فوٹو: فائل
تلہار سے لڑکی اغواء کر لی گئی، پولیس نے اغوا کے الزام میں خاتون سمیت5افراد کے خلاف مقدمہ درج کرلیا۔
تفصیلات کے مطابق گزشتہ روز وارڈ نمبر 5سے 17سالہ دوشیزہ م۔م بنت بلاول ملاح کو اغوا کر لیا گیا۔ تلہار پولیس نے لڑکی کے بھائی ممتاز ملاح کی درخواست پر وارڈ نمبر 5کی رہائشی نورجہاں خاصخیلی اور4افراد کیخلاف اغوا کا مقدمہ درج کرلیا ہے۔
تاہم تاحال کوئی بھی گرفتاری عمل میں نہیں آئی۔دوسری جانب اغوا کے مقدمے میں ملوث نورجہاں خاصخیلی نے صحافیوں کو بتایا کہ اسکا اغوامیں کوئی ہاتھ نہیں ہے۔