محب وطن بلوچوں نے غیرملکی اسپانسرڈ دہشت گردی رد کردی ترجمان پاک فوج

بھٹکے ہوئے بلوچوں کی طرف سے خود احساس کیا جانا کامیابی کاعکاس ہے،ڈی جی آئی ایس پی آر

ویب ڈیسک December 10, 2017

قومی دھارے میں شمولیت کی کامیابی سول و فوجی قیادت کی مضبوط کوششوں کا مظہر ہے، ڈی جی آئی ایس پی آر فوٹو: فائل

ترجمان پاک فوج میجر جنرل آصف غفور کا کہنا ہے کہ محب وطن بلوچوں نے غیر ملکی اسپانسرڈ دہشت گردی کو رد کردیا۔

پاک فوج کے ترجمان میجر جنرل آصف غفور نے سماجی رابطے کی ویب سائٹ پر ٹویٹ کرتے ہوئے کہا کہ محب وطن بلوچ غیر ملکی اسپانسرڈ دہشت گردی کو رد کرتے ہوئے رضا کارانہ طور پر قومی دھارے میں شامل ہورہے ہیں۔

Patriotic Baloch continue to reintegrate voluntarily with mainstream society rejecting foreign sponsored terrorism in Balochistan. (1of2) pic.twitter.com/EuKbzD4z5H
— DG ISPR (@OfficialDGISPR) December 9, 2017

اس خبر کو بھی پڑھیں :بلوچستان میں سیکڑوں علیحدگی پسند باغیوں نے ہتھیار ڈال دیے

ترجمان پاک فوج کے مطابق بھٹکے ہوئے بلوچوں کی طرف سے خود احساس کیا جانا کامیابی کاعکاس ہے اور یہ کامیابی سول و فوجی قیادت کی مضبوط کوششوں کا مظہر ہے۔

Self realisation by misled Balochs reflects success of relentless efforts by Civ-Mil leadership towards #KhushHalBalochistan. (2of2). pic.twitter.com/Oaf7tSRm1w
— DG ISPR (@OfficialDGISPR) December 9, 2017

واضح رہے کہ گزشتہ روز بلوچستان اسمبلی کے احاطے میں ہتھیار ڈالنے کی تقریب ہوئی جہاں وزیراعلیٰ بلوچستان ثنااللہ زہری کے سامنے مختلف کالعدم تنظیموں کے 313 فراری جنگجو ہتھیار ڈال کر قومی دھارے میں شامل ہوگئے۔