مٹیاری 120پولیس اہلکار8 ماہ کی تنخواہوں سے محروم

پولیس اہلکاروں نے وزیراعلیٰ سندھ اور آئی جی سندھ سے مطالبہ کیا کہ انھیں8مہینوں کی تنخواہیں دی جائیں۔ فوٹو: فائل

---

مٹیاری محکمہ پولیس میں بھرتی ہونے والے 120پولیس اہلکار8ماہ سے تنخواہوں سے محروم ہیں۔

نئے بھرتی ہونے والے پولیس اہلکاروں محمد فہیم،گل شیر اور دیگر نے بتایا کہ انھیں8ماہ گزر گئے ہیں وہ پابندی سے ڈیوٹی پر جا رہے ہیں لیکن ابھی تک انھیں ایک مہینے کی بھی تنخواہ نہیں ملی جس کی وجہ سے وہ فاقہ کشی پر مجبور ہیں۔

انھوں نے کہا کہ ہمارے پاس ڈیوٹی پر جانے کے لیے کرایا بھی نہیں ہوتا ،ہم روزانہ ادھار لے کر تنگ آ گئے ہیں۔انھوں نے وزیراعلیٰ سندھ اور آئی جی سندھ سے مطالبہ کیا کہ انھیں8مہینوں کی تنخواہیں دی جائیں۔