ننکانہ میں گھر کی چھت گرنے سے 4 کمسن بچے جاں بحق
جاں بحق ہونے والے بچوں میں وحید، شرجیل، اویس اور نور اللہ شامل ہیں، ریسکیو حکام
زخمی والدہ اور ایک بھائی کو طبی امداد کے لیے اسپتال منتقل کر دیا گیا ہے، ریسکیو حکام۔ فوٹو: فائل
نواحی گاؤں بھورو میں مکان کی چھت گرنے سے 4 کمسن بچے جاں بحق جب کہ والدہ اور ایک بھائی زخمی ہوگیا۔
ایکسپریس نیوز کے مطابق ننکانہ کے نواحی گاؤں بھورو میں بارش سے بوسیدہ مکان کی چھت گرگئی جس کے نتیجے میں 4 کمسن بچے ملبے تلے دب گئے۔ جس وقت واقعہ پیش آیا اس وقت گھر کے مکین سو رہے تھے۔
ایکسپریس نیوز کے مطابق ننکانہ کے نواحی گاؤں بھورو میں بارش سے بوسیدہ مکان کی چھت گرگئی جس کے نتیجے میں 4 کمسن بچے ملبے تلے دب گئے۔ جس وقت واقعہ پیش آیا اس وقت گھر کے مکین سو رہے تھے۔
ریسکیو حکام نے 4 بچوں کے جاں بحق ہونے کی تصدیق کردی ہے جن میں وحید، شرجیل، اویس اور نور اللہ شامل ہیں جب کہ واقعے میں ان کی والدہ اور ایک بھائی زخمی ہوئے ہیں، جنہیں فوری طبی امداد کے لیے الائیڈ اسپتال فیصل آباد منتقل کر دیا گیا ہے۔