مدینے سے آنے والی پی آئی اے پرواز میں بچی کی پیدائش

بچی کو جنم دینے والی خاتون عمرے کی ادائیگی کے بعد پرواز پی کے 761 سے ملتان آرہی تھی۔ فوٹو: پی آئی اے

---

مدینے سے آنے والے پی آئی اے کے طیارے میں دوران پرواز ایک مسافر خاتون نے بچی کو جنم دیا ہے۔

ایکسپریس نیوز کے مطابق مدینہ سے ملتان آنے والی پی آئی اے کی پرواز میں خاتون کوثر بی بی نے بیٹی کو جنم دے دیا۔ بچی کو جنم دینے والی خاتون عمرے کی ادائیگی کے بعد پرواز پی کے 761 سے ملتان آرہی تھیں۔



ذرائع کے مطابق فلائٹ کو دھند کے باعث کراچی ائیرپورٹ اتارلیا گیا تھا اور بعدازاں موسم بہتر ہونے کے بعد ملتان روانہ کردیا گیا۔ زچہ اور بچہ دونوں خیریت سے ہیں۔ خاتون کے اہلخانہ نے بتایا کہ بچے کی پیدائش کے وقت ائیر ہوسٹسز نے بہت خیال رکھا اور پی آئی اے عملے نے ثابت کیا وہ اپنے مسافروں کا خیال رکھتے ہیں۔

Miracles happen everyday and we had our little miracle today onboard our flight PK 716 from Madinah to Multan. A beautiful baby girl was born! We congratulate the proud parents on the new arrival and a big kudos to our cabin crew for their amazing emergency response. #PIA pic.twitter.com/RPo8wyFvvE

— PIA (@Official_PIA) December 12, 2017