ڈیرہ غازی خان میں مسافر وین اور ٹرالر میں تصادم سے 3 افراد جاں بحق

حادثے میں 5 افراد زخمی بھی ہوئے جنہیں اسپتال میں طبی امداد فراہم کی جارہی ہے ۔ فوٹو : فائل

---

ڈیرہ غازی خان میں نوتک اڈے کے قریب مسافر وین اور ٹرالر میں تصادم کے نتیجے میں 3 افراد جاں بحق اور 5 زخمی ہوگئے۔

ایکسپریس نیوز کے مطابق ڈیرہ غازی خان میں نوٹک اڈے کے قریب مسافر وین اور ٹرالر میں تصادم ہوگیا جس کے نتیجے میں 3 افراد موقع پر ہی جاں بحق جب کہ 5 زخمی ہوگئے۔

حادثے کی اطلاع ملتے ہی ریسکیو ٹیمیں جائے حادثہ پر پہنچ گئیں اور امدادی کارروائیاں کرتے ہوئے لاشوں اور زخمیوں کو مقامی اسپتال منتقل کردیا جہاں زخمیوں کو طبی امداد فراہم کی جارہی ہے۔