جمعیت علمائے اسلام(ف) کے سربراہ مولانافضل الرحمن نے کہاہے کہ حکومت اور اپوزیشن کے مابین نگراں وزیراعظم کے نام پر اتفاق ہونا چاہیے۔

جمعرات کو پارلیمنٹ ہاؤس کے باہر میڈیا سے گفتگو کرتے ہوئے انھوں نے کہاکہ وزیراعظم اور اپوزیشن لیڈر نے جو 3،3نام نگراں وزیراعظم کیلیے پیش کیے، سب اچھے لوگ ہیں۔موجودہ پارلیمنٹ نے5سال میں ریکارڈ آئینی اصلاحات کیں۔

جبکہ ملکی تاریخ میں پہلی مرتبہ پارلیمان نے خارجہ پالیسی کے رہنما اصول دیے۔ اس لحاظ سے پارلیمان نے اپنا کردار خوب نبھایا۔ انھوںنے کہا کہ آئینی اصلاحات پارلیمان کے تسلسل سے ممکن ہوئیں جبکہ یہ تسلسل آئندہ بھی برقرار رہنا چاہیے۔ جمہوریت کے تسلسل سے ہی ارتقا ہوتاہے۔