خوابوں کی تکمیل کے لئے اے پی ایس جیسے سانحات کی روک تھام ضروری ہے عمران خان

اس بات کو یقینی بنانا ہوگا کہ سانحہ اے پی ایس جیسے دہشت گردی کے واقعات دوبارہ نہ ہوں، عمران خان : فوٹو : فائل

---

KARACHI: چئیرمین تحریک انصاف عمران خان کا کہنا ہے کہ اپنی نسلوں کے خوابوں کی تکمیل کے لئے ہمیں آرمی پبلک اسکول جیسے سانحات کی روک تھام کے لئے اقدامات کرنا ہوں گے۔

سانحہ آرمی پبلک اسکول پشاور کے 3 سال مکمل ہونے پر سماجی رابطے کی ویٹ سائٹ ٹویٹر پر اپنے پیغام میں چئیرمین تحریک انصاف عمران خان کا کہنا تھا کہ آج کے روز اے پی ایس پشاور میں بچوں اور اساتذہ کو شہید کیا گیا اور آج ہم سب انتہائی دکھ کے ساتھ اس سانحے کے شہدا کو یاد کررہے ہیں، اے پی ایس کا سانحہ دل دہلا دینے والا واقعہ تھا۔

اس خبرکوبھی پڑھیں: سانحہ آرمی پبلک اسکول کو3 سال بیت گئے، زخم آج بھی تازہ

عمران خان کا کہنا تھا کہ ہمیں اپنی نسلوں کے خواب پورے کرنے کےلئے سانحہ اے پی ایس جیسے سانحات کی روک تھام کے لئے اقدامات کرنے ہوں گے جب کہ اس بات کو بھی یقینی بنانا ہوگا کہ اس طرح کے دہشت گردی کے واقعات دوبارہ نہ ہوں۔

Today as we remember with sorrow the devastating terrorist attack on APS Peshawar that martyred our precious innocent children & their teachers, we must ensure this can never happen again so our future generations can be nurtured safely to follow their dreams

— Imran Khan (@ImranKhanPTI) December 16, 2017