روپے کی فرسودگی قومی معیشت کا منظر نامہ تبدیل کرنے والی ہے

روپے کی قدر میں کمی سے درآمدات مہنگی ہوں گی، افراط زر میں اضافہ دیکھا جائے گا، ماہرین۔ فوٹو: فائل

---

روپے کی فرسودگی دنوں، ہفتوح اور مہینوں میں قومی معیشت کا منظر نامہ بڑی تیزی سے تبدیل کرنے والی ہے۔

گذشتہ ہفتے جمعے کے روز ڈالر کے مقابلے میں پاکستانی روپے کی قدر 110.43 رہی تھی تاہم اس صورتحال کے باوجود روپے کی قدر میں کمی کی شرح برآمد کنندگان، پاکستان اسٹاک ایکسچینج میں غیر ملکی سرمایہ کاری کا پورٹ فولیو رکھنے والوں اور عالمی اداروں کی توقعات سے ابھی بھی کچھ کم ہے۔

دوسری جانب وزیر اعظم شاہد خاقان عباسی نے وضاحت کی ہے کہ حکومت روپے کی قدر میں مزید کمی کا کوئی پروگرام نہیں بنارہی جب کہ ماہرین کا کہنا ہے کہ روپے کی قدر میں کمی سے درآمدات مہنگی ہوں گی، افراط زر میں اضافہ دیکھا جائے گا۔