کلفٹن اورماڈل کالونی میں2خواتین نے خودکشی کرلی

نیلم کالونی میں 20 سالہ اقرا زوجہ احسان نے گلے میں پھندا ڈال کر چھت سے لٹک کر خودکشی کرلی۔ فوٹو: فائل

---

شہر کے مختلف علاقوں میں 2 خواتین نے گھریلو تنازعات کی بنا پر خودکشی کرلی۔

تفصیلات کے مطابق کلفٹن کے علاقے نیلم کالونی میں 20 سالہ اقرا زوجہ احسان نے گلے میں پھندا ڈال کر چھت سے لٹک کر خودکشی کرلی، اے ایس آئی عرض محمد نے ایکسپریس کو بتایا کہ اقرا کا سسرال شیریں جناح کالونی میں تھا ، شوہرسے لڑ جھگڑ کر نیلم کالونی میں واقع میکے آگئی تھی، جمعہ کو اس نے گلے میں پھندا ڈال کر خودکشی کرلی ۔

متوفیہ چند ماہ کی بچی کی ماں تھی، علاوہ ازیں ماڈل کالونی میں بھی ایک خاتون نے گلے میں پھندا ڈال کرخودکشی کرلی ، پولیس کے مطابق متوفیہ آمنہ زوجہ ندیم نے گھریلو تنازعات کی بنا پر گلے میں پھندا ڈال کر اپنی زندگی کا خاتمہ کرلیا، متوفیہ 2 بچوں کی ماں تھی، واقعے کے وقت متوفیہ گھر میں اکیلی تھی۔