معیاری کام کو ہر جگہ پسند کیا جاتا ہے انوشکا شرما

کسی بھی بڑے بین الاقوامی منصوبے پر کام کرکے خوشی ہوگی، اداکارہ۔ فوٹو: فائل

---

بالی وڈ اداکارہ انوشکا شرما نے کہا ہے کہ بین الاقوامی منصوبے پر کام کرکے خوشی ہوگی۔

انھوں نے کہا کہ معیاری کام کو ہرجگہ پسند کیا جاتا ہے۔ آج بھی اچھے کام کی بنیاد پر اچھے فنکاروں کو بہتر مواقع مل رہے ہیں۔ قبل ازیں اداکارہ کو صرف پانچ سال میںہالی وڈ لیجنڈ ڈائریکٹر سٹیون سپیلبرگ کی فلم کے لیے شارٹ لسٹ کرلیا گیا ہے۔

چوبیس سالہ انوشکا شرما نے اب تک صرف سات فلموں میں کام کیا ہے تاہم وہ پاک بھارت تنازعات پر بنائی جانے والی ہالی وڈ فلم کے لیے اولین ترجیح سمجھی جارہی ہیں۔اس فلم کو بنانے کا اعلان گزشتہ دنوں اسٹیون سپیلبرگ نے ممبئی کے دورے کے دوران کیا تھا۔