رواں سال عامر خان کیلیے کیوں خاص رہا

یہ سال دل کو گرما دینے والا اور اطمنان بخش سال تھا، عامر خان ۔ فوٹو: فائل

---

بالی ووڈ کے مسٹر پرفیکشنسٹ عامر خان نے موجودہ سال کو اپنے لیے سب سے بہترین سال قرار دیا ہے۔

بھارتی میڈیا رپورٹس کے مطابق بالی ووڈ سپر اسٹارعامر خان نے ایک انٹرویو میں کہا کہ دیگر سالوں کی نسبت یہ سال فلم 'سیکریٹ سپر اسٹار' کو خوب پزیرائی ملنے کی وجہ سے اُن کے لئے بہت خاص رہا اور یہ سال دل کو گرما دینے والا اور اطمینان بخش رہا۔

مسٹر پرفیکشنسٹ کا کہنا تھا کہ فلم 'سیکریٹ سپر اسٹار' جس طرح کی فلم تھی اس نسبت سے اچھا بزنس کرنے میں کامیاب رہی یہاں تک کہ فلم میں 'میرا کردار بہت مختصر تھا لیکن اُس کے باوجود مجھے یہ کردار نبھانے میں بہت مزہ آیا اور مجھے خوشی ہے کہ میں نے ایڈویت چندن جیسے ہدایت کار کے ساتھ کام کیا۔

واضح رہے کہ 15 کروڑ روپے کے بجٹ سے بننے والی فلم 'سیکریٹ سپر اسٹار' 19 اکتوبر کو بھارت سمیت کئی ممالک میں ریلیز کی گئی جو کہ اب تک 100 کروڑ روپے سے زائد کا بزنس کرچکی ہے اور فلم کی کامیابی کا سلسلہ اب بھی جاری ہے۔