اکبربگٹی قتل کیسآفتاب شیرپائوکی عبوری ضمانت منظور

پشاور ہائیکورٹ نے سبی کی عدالت سے جاری کردہ گرفتاری کے وارنٹ معطل کردیے فائل فوٹو

---

پشاورہائیکورٹ نے نواب اکبربگٹی قتل کیس میں ملوث پیپلزپارٹی شیرپائو کے سربراہ اور سابق وفاقی وزیر داخلہ آفتاب احمد خان شیرپائو کی عبوری ضمانت منظورکر تے ہوئے سابق وزیرکو30 اگست کوکوئٹہ کی عدالت میں پیش ہونے کا حکم دے دیا جبکہ سبی کی عدالت سے آفتاب شیرپائو کی گرفتاری کے جاری کردہ وارنٹ معطل کردیے۔

اس موقع پر آفتاب احمد خان شیرپائو عدالت میں پیش ہوئے۔ دریں پیپلزپارٹی شیرپائو کے سربراہ آفتاب احمد خان شیرپائو نے پشاور ہائیکورٹ سے سفری ضمانت ملنے کے بعد میڈیا سے بات چیت کرتے ہوئے کہا کہ نواب اکبربگٹی کے قتل سے ان کاکوئی تعلق نہیں کیونکہ وہ وفاقی وزیر داخلہ تھے اور اس وقت بلوچستان میں امن وامان کا مسئلہ صوبائی تھا۔ انھوں نے کہاکہ نواب اکبربگٹی قتل کیس چونکہ ابھی عدالت میں ہے اس بنا وہ اس حوالے سے کچھ کہہ نہیں سکتے ۔