پاکستان کو امریکی امداد کی ضرورت نہیں فضل الرحمن

آئندہ انتخابات میں یہودی لابی کو خیبرپختونخوا سے نکال کر باہر پھینک دیں گے،وفد سے گفتگو

Numainda Express December 23, 2017

مقبوضہ بیت المقدس پر امریکی صدر ٹرمپ کے فیصلے سے امت مسلمہ کی دل آزاری ہوئی ہے، مولانا فضل الرحمن۔ فوٹو:فائل

WEST DES MOINES: جمعیت علمائے اسلام (ف) کے امیر مولانا فضل الرحمن نے کہا ہے کہ پاکستان کو امریکی امداد کی ضرورت نہیں۔

جے یو آئی ضلع مردان کے وفد سے بات چیت کرتے ہوئے مولانا فضل الرحمن نے کہاکہ دہشت گردی کے خلاف جنگ میں سیکیورٹی فورسز کے ساتھ ساتھ عوام نے بھی بیش بہا قربانیاں دی ہیں اور امریکا کو بھی ان قربانیوں کا اعتراف کرنا چاہیے تاہم پاکستان کو امریکی امداد کی ضرورت نہیں ہے۔ انہوں نے کہا کہ مقبوضہ بیت المقدس کے حوالے سے امریکی صدر ڈونلڈ ٹرمپ کے فیصلے سے پوری امت مسلمہ کی دل آزاری ہوئی ہے۔

مولانا فضل الرحمن کا مزید کہنا تھا کہ اسلامی نظام کے نفاذ کیلیے مذہبی جماعتوں کا اتحاد وقت کا تقاضا ہے۔ آئندہ انتخابات میں یہودی لابی کو خیبرپختونخوا سے نکال کر باہر پھینک دیں گے۔