2 ٹریفک حادثات میں خواتین بچوں سمیت 17 افراد زخمی

لونی کوٹ کے قریب کار آئل ٹینکر میں جا گھسی،4 افراد زخمی، اسپتال منتقل فوٹو: فائل

---

ISLAMABAD: جامشوروسپرہائی پر 2 مختلف حادثات میں خواتین اور بچوں سمیت 17 افراد زخمی ہو گئے جنھیں اسپتال منتقل کردیا گیا۔

تفصیلات کے مطابق کراچی سے صادق آباد جانے والی تیز رفتار مسافر بس نوری آباد کے قریب 32 میل چاری کے مقام پر ڈرائیور سے بے قابو ہو کر الٹ گئی جس کے نتیجے میں اختر علی، سجاد علی، محمد ریاض، مزمل، حسین، ارشد علی، عبدالغفار، مسمات شمیم، رقیہ، انیسہ سمیت 13 افراد زخمی ہو گئے۔



دوسرا حادثہ لونی کوٹ چوکی نمبر10 کے قریب پیش آیا جہاں کراچی سے حیدرآباد آنے والی کار تیز رفتاری کے باعث سامنے چلنے والے آئل ٹینکر میں جا گھسی، جس کے نتیجے میں کار میں سوار رئیس، گل بخش، نازیہ، بیگم سجاد شدید زخمی ہو گئے، زخمیوں کو طبی امداد کے لیے ایل ایم یو اسپتال جامشورو منتقل کردیا گیا ہے۔