امریکا میں کرسمس کے موقع پر دہشت گردی کا منصوبہ ناکام

سان فرانسسکو میں گرجا گھر پر حملے کی منصوبہ بندی کرنے والا سابق امریکی فوجی اہلکار ہے، ایف بی آئی

ویب ڈیسک December 23, 2017

ملزم کو فیس بک پر شدت پسند مواد میں دلچسپی پر نگرانی میں لیا گیا :فوٹو:انٹرنیٹ

امریکی سیکیورٹی فورسز نے کرسمس کے موقع پر دہشتگردی کی منصوبہ بندی کے الزام میں سابق امریکی فوجی کو گرفتار کرلیا۔

برطانوی نشریاتی ادارے کے مطابق 25 سالہ سابق امریکی میرین ایورٹ آرن جیمسن کو امریکا کی خفیہ ایجنسی ایف بی آئی اہلکار کے ساتھ مبینہ طور پر منصوبہ شیئر کرنے کے باعث شمالی کیرولینا سے گرفتار کیا گیا۔

حکام کا کہنا ہے کہ ملزم شدت پسند تنظیم داعش سے متاثر ہے اور اس نے امریکی صدر ڈونلڈ ٹرمپ کی جانب سے مقبوضہ بیت المقدس کو اسرائیل کا دارالحکومت تسلیم کرنے کے فیصلے کے ردعمل میں سان فرانسسکو چرچ پر حملے کا منصوبہ بنایا اور اس کی معلومات داعش کو فراہم کیں۔

حکام کا کہنا ہے کہ ملزم کو فیس بک پر شدت پسند مواد میں دلچسپی رکھنے کے بعد نگرانی میں لیا گیا جبکہ ملزم نے 31 اکتوبر کو نیویارک میں ہونے والے ٹرک حملے کی بھی حمایت کی تھی۔