مجرم ثابت ہونے کے باجود جہانگیر ترین کا کیس نیب نہیں بھیجا گیا مریم نواز

جہانگیر ترین سے عوام کی لوٹی دولت واپس لینے میں احتساب کا راستہ کس نے روکا ، مریم نواز،فوٹو : فائل

---

KABUL: سابق وزیراعظم نوازشریف کی صاحبزادی مریم نوازکا کہنا ہے کہ پی ٹی آئی رہنما جہانگیر ترین کے مجرم ثابت ہونے کے باوجود ان کا کیس نیب نہیں بھیجا گیا۔

انسائڈر ٹریڈنگ میں فراڈ کےاعتراف اور مجرم ثابت ھونے پر بھی جہانگیر ترین کا کیس نیب کو کیوں نہیں بھیجا گیا ؟

— Maryam Nawaz Sharif (@MaryamNSharif) December 23, 2017

سماجی رابطے کی ویب سائٹ پر ٹوئٹ کرتے ہوئے مریم نواز نے تحریک انصاف کے رہنما جہانگیر ترین سے متعلق عدالتی فیصلے پر تنقید کرتے ہوئے کہا کہ انسائڈر ٹریڈنگ میں فراڈ کے اعتراف اور مجرم ثابت ہونے پر بھی جہانگیر ترین کا کیس نیب نہیں بھیجا گیا۔

ایک اور ٹوئٹ میں انہوں نے فیصلے پر تنقید کرتے ہوئے کہا کہ جہانگیر ترین کا جرم بیٹے سے تنخواہ نہ لینا نہیں تھا بلکہ انہوں نے اختیارات کے ناجائز استعمال سے اپنے کاروبار کو پھیلایا، اس کے باوجود نیب کیس کیوں نہیں بنایا گیا۔

اس خبر کو بھی پڑھیں؛ عمران خان نااہلی سے بچ گئے، سپریم کورٹ کا فیصلہ آگیا

مریم نواز نے سوال کیا کہ مشرف دورمیں بطور وزیر اختیارات کا ناجائز استعمال ثابت ہونے پر جہانگیر ترین سے عوام کی لوٹی دولت واپس لینے میں احتساب کا راستہ کس نے روکا ؟

واضح رہے سپریم کورٹ نے جہانگیر ترین کو آرٹیکل 62 ون ایف کے تحت تاحیات نااہل قرار دیا تھا جب کہ عدالت عظمیٰ نے سابق وزیراعظم نوازشریف کو بھی نااہل قرار دیتے ہوئے نیب کو ان کے خلاف ریفرنس تیار کرنے کا حکم دیا تھا۔