مصری صدر مرسی آج ایک روزہ دورے پر پاکستان پہنچیں گے

مصری صدرپاکستانی ہم منصب سے دوطرفہ امور پربات چیت سمیت مختلف معاہدوں پر بھی دستخط کریں گے، فوٹو : فائل

---

مصرکے صدر ڈاکٹرمحمد مرسی صدرآصف زرداری کی دعوت پر کلپیر آج پاکستان کا ایک روزہ دورہ کریں گے ۔

مصری صدرپاکستانی ہم منصب سے دوطرفہ امور پربات چیت سمیت مختلف معاہدوں پر بھی دستخط کریں گے، ہفتے کو ترجمان دفترخارجہ اعزازچوہدری کے مطابق منتخب مصری صدر مرسی کا یہ پہلا دورہ پاکستان ہوگا۔ انھیں 21توپوں کی سلامی بھی دی جائے گی۔

دونوں رہنما کئی معاہدوں اورمفاہمتی یاداشتوں پردستخط کریں گے ۔صدر محمد مرسی کو پاکستان کی ممتاز یونیورسٹی''نسٹ'' کی طرف سے ڈاکٹریٹ کی اعزازی ڈگری بھی دی جائے گی۔